Monday, September 21

वैज्ञानिकहरुले फेला पारे कोरोनाभाइरसलाई शरीरमा फैलिनबाट रोक्ने एन्टिबडी

August 5, 2020 60

काठमाडौं। कोरोनाभाइरस महामारी रोक्ने अभियानमा निरन्तर सक्रिय वैज्ञानिकहरुको टोलीले यस्तो एन्टिबडी फेला पारेका छन् जसले कोभिड–१९ लाई मानिसको शरीरमा फैलिनबाट रोक्नेछ । यो खोजीसँगै वैज्ञानिकहरुले छिटै कोभिड–१९ को उपचारको लागि प्रभावकारी भ्याक्सिन बनाउन सकिने अपेक्षा गरेका छन् । यो एन्टिबडीले कोरोनाभाइरससँग टाँसिएर उसको बाहिरी काँडेदार पत्र तोडेर उसलाई निष्क्रिय गरिदिनेछ । यो एन्टिबडीको नाम ४७डी११ राखिएको छ ।

यो एन्टिबडीको खोजीसँगै वैज्ञानिकहरुमा आशा जागेको छ कि अब उनीहरु कोरोनाभाइरसलाई शरीरमै निष्क्रिय पार्न सक्नेछन् ताकि कोरोनाभाइरसको संक्रमण एक व्यक्तिबाट अर्को व्यक्तिमा नफैलियोस् । डेलीमेलको रिपोर्ट अनुसार मुसामा यो एन्टिबडीको परीक्षण सफल भएको छ । युरोपका वैज्ञानिकहरुले मुसामा पाइने ५१ सेल लाइन्स कोशिकाहरुमा यो एन्टिबडी खोजेका हुन् । त्यसपछि यसलाई मानिसको लायक बनाउनको लागि जेनेटिकली इन्जिनियर गरिएको छ । त्यसपछि उनीहरुले यो एन्टिबडीको परीक्षण २००३ मा फैलिएको सार्स कोरोनाभाइरसमाथि गरे । यो एन्टिबडीले २००३ को सार्स कोरोनाभाइरसलाई निष्क्रिय गरिदियो ।

यससँगै वैज्ञानिकहरुले कोभिड १९ पनि सार्स कोरोनाभाइरस परिवारको सदस्य भाइरस भएकोले यो एन्टिबडी त्यसलाई पनि कमजोर पार्न र समाप्त गर्न सफल हुने दावी गरेका छन् । वैज्ञानिकको यो टिमको नेतृत्व युट्रेच युनिभर्सिटीका प्रोफेसर बेरेंड जेन बोशले गरिरहेका छन् । प्रोफेसन बोशका अनुसार यो एन्टिबडीमा यस्तो क्षमता छ जसले कोभिड–१९ लाई समाप्त पार्न सक्छ किनकि यो एन्टिबडीले भाइरसको त्यो लेयरमा आक्रमण गर्छ जसको प्रयोग भाइरसले कोशिकामा टाँसिनको लागि गर्छ ।

प्रोफेसर बोशका अनुसार यस्तो एन्टिबडीको कारण यदि मानव शरीरमा भाइरस फैलिन रोकिएन भने पनि राम्रो कुरा यो हो कि एन्टिबडीका कारण कोरोनाभाइरसलाई मानव शरीरमा फैलिन निकै धेरै समय लाग्नेछ । अर्थात कोभिड–१९ भाइरस शरीरमै कमजोर हुनेछ ।

वैज्ञानिकहरुले प्रयोगशालामा मुसालाई कोरोनाभाइरसबाट संक्रमित गराए । वैज्ञानिकहरुले देखे कि भाइरसले जब मुसाको शरीरमा प्रवेश गर्यो, मुसाको शरीरभित्र ५१ किसिमका एन्टिबडी निस्किन सुरु भयो । यिनै ५१ किसिमका एन्टिबडीमध्ये ४७डी११ एन्टिबडी पनि थियो जसले कोरोनाभाइरसको बाहिरी पत्रलाई नष्ट गरिरहेको थियो । यहीँ वैज्ञानिकले यो एन्टिबडीको पहिचान गरेका हुन् ।

कोरोनाभाइरसको आकार गोलो हुन्छ । उसको चारैतिर एस–२ नामक प्रोटिनको काँडेदार पत्र हुन्छ । यो काँडेदार पत्र नै मानव शरीरका कोशिकाहरुमा टाँसिन्छ । त्यसपछि भाइरसले मानव शरीरका कोशिकाहरुको बाहिरी पत्रलाई गलाएर कोशिकाभित्र आफ्नो जीन छोडिदिन्छ । कोशिकामा जीन छोडेपछि भाइरस कोशिकाहरुलाई खाएर आफ्नो संख्या बढाउन सुरु गर्छ ।

त्यसैले वैज्ञानिकहरुले यस्तो एन्टिबडीको खोजी गरेका हुन् जसले कोरोनाभाइरसको बाहिरी काँडेदार लेयरसँग टाँसिएर त्यसलाई नष्ट गरिदिन्छ । अर्थात कोरोनाभाइरसका ती दाँत भाँचिनेछन् जसको प्रयोग गरेर उसले आक्रमण गर्छ ।

रिडिङ युनिभर्सिटीको सेल्युलर माइक्रोबायोलोजीकी प्रोफेसर डा. सिमोन क्लार्कले भनिन् ‘जब कोरोनाभाइरसलाई मानव शरीरमा प्रवेश गर्नबाट रोकिनेछ त्यसपछि उसका अगाडिका सबै काम रोकिनेछन् । अर्थात उसले मानव बरीरमा केही गर्न सक्ने छैन ।’ प्रोफेर सिमोनका अनुसार एन्टिबडीले भाइरसमाथि आक्रमण गरेर उसँग टाँसिनेछ ।

यसबाट या त भाइरस मर्नेछ या त उसले मानव शरीरका कोशिकामा त्यसरी आक्रमण गर्न सक्ने छैन जसरी उसले गर्नुपर्ने थियो । यद्यपि अहिलेसम्म यो एन्टिबडीको क्लिनिकल ट्रायल हुन बाँकी नै छ । त्यसपछि मात्र केही भन्नु ठिक हुने प्रो. सिमनले बताइन् । यद्यपि अहिलेसम्मका परक्षिण सफल रहेको र नतिजा सकारात्मक रहेको उनले बताइन् ।

प्रतिकृया दिनुहोस्