Monday, September 21

अमेरिका र उत्तर कोरियाबीच वार्ता हुन नसक्ने किम जाेङकी बहिनीकाे भनाइ

July 10, 2020 130

एजेन्सी, २६ असार । उत्तर कोरियाली नेता किम जोङ अनकी बहिनी किम यो जोङले अमेरिकासँगको वार्ताको कुनै काम नरहेको बताएकी छन् । उनले अमेरिकासँग हुने भनिएको अर्काे उच्चस्तरीय वर्ताको कुनै अर्थ नहुने बताएकी हुन् । उनकाे यो भनाइपछि अमेरिका र उत्तर कोरियाका बीचमा तत्कालै कुनै पनि वार्ता नहुने देखिएको समाचार एजेन्सीहरूले जनाएका छन् ।

दक्षिण कोरियाको योनहाप समाचार समितिले उत्तर कोरियाको सरकारी समाचार समिति, केसिएनएलाई उद्धृत गर्दै जनाएअनुसार किम यो जोङले उत्तर कोरियाले अमेरिकासँग गर्ने भनेको अर्काे वार्ताको कुनै काम नरहेको बताएकी हुन् ।

जोङले अब अमेरिकासँग अर्काे वार्ता अनावश्यक रहेकाे भन्दै यस्तो प्रयोगविहीन वार्ता गर्न पनि नहुने बताएको समाचारमा जनाइएको छ । उनले यी २ देशले वार्तामा बसेर निष्कर्ष निकाल्न पनि नसक्ने भएकोले यस्तो वार्ता अनावश्यक रहेकाे बताएकी हुन् ।

अमेरिका आफ्नो अडानमा मात्र टाँसिएर बस्ने भएकोले वार्ताका माध्यमबाट निश्कर्ष निकाल्न नसकिएको उनको भनाइ छ । केही दिनअघि मात्र पनि उत्तर कोरियाको विदेशमन्त्रालयका संयुक्त राज्य अमेरिका विभागका प्रमुख नोन जोङ गनले अमेरिकासँग वार्ता गर्न इच्छुक नरहेको बताएका थिए ।

उनको सो भनाइको केही दिनमै किम यो जोङले पनि शुक्रबार यस्ताे धारणा सार्वजनिक गरेकी हुन् । उनको यो धारणासँगै उत्तर कोरिया आगामी दिनमा अमेरिकासँग हुने भनेको वार्तामा बस्न इच्छुक नहुने देखिएको हो ।

केही समयअघि दक्षिण कोरियाका राष्ट्रपति मुन जाय इनले अमेरिकाको आगामी राष्ट्रतीय निर्वाचनअघि अमेरिका र उत्तर कोरियाबीच वार्ता हुने अनुमान गरिएको बताएका थिए ।
source:News24 Nepal

प्रतिकृया दिनुहोस्