Thursday, December 3

आठ जना प्रहरीको ह’त्या गरेर फरार रहेका विकास दुबे पक्राउ परे

July 9, 2020 207

नयाँदिल्ली, २५ असार । भारतको कानपुरमा आठ जना प्रहरीको ह’त्या गरेर फरार रहेका विकास दुबे पक्राउ परेका छन् । भारतको उज्जैनबाट उत्तर प्रदेशका कुख्यात गुण्डानाइके विकास दुबे पक्राउ परेका हुन् ।

भारतीय सञ्चारमाध्यमका अनुसार उनी महाकालको दर्शनका लागि उज्जैन गएका थिए । त्यहाँको सुरक्षा गार्डले उनलाई चिनेका थिए । त्यसपछि तत्काल प्रहरी एक्सनमा आएर उनलाई पक्राउ गरिएको बताइएको छ ।

प्रहरीलाई पनि दुबे महाकाल मन्दिरमा दर्शन गर्न गएको समाचार प्राप्त भएको थियो । उत्तर प्रदेशले विकास दुबेलाई बाहिर जान नदिन सीमा क्षेत्रमा कडाइ गरिएको बताए पनि दुबे मध्य प्रदेशको उज्जैनसम्म पुगेका हुन् ।

दुबेको गिरफ्तारीको विषयमा विस्तृत जानकारी नदिइएको भए पनि मध्य प्रदेशको प्रहरीले उनको पक्राउको पुष्टि गरेको छ । भारतीय प्रहरीले दुबेबारे सूचना दिनेलाई दुई लाख ५० हजार रुपैयाँ भारू पुरस्कार दिने घोषणासमेत गरेको थियो ।

गत मंगलबार दुबे हरियाणाको फरिदाबादको एक होटलमा देखिएका थिए । त्यहाँबाट भागेर उनी मध्यप्रदेश पुगेका हुन् । यसैबीच बिहीबार नै कानपुर र इटावामा गरी दुई इन्का’उन्टर भएको छ । प्रहरीसँगका यी दुई इन्का’उन्टरमा दुबेका दुई सहयोगी पनि मा’रिएका छन् ।
source:News24 Nepal

प्रतिकृया दिनुहोस्