Tuesday, September 22

चीनमा डरलाग्दो तरिकाले फर्कियो कोरोना, ठूलो संख्यामा संक्रमण भेटिएपछि पूरै शहर सील

May 11, 2020 842

काठमाडौं। कोरोनाभाइरस संक्रमणलाई लगभग नियन्त्रण गर्ने अवस्थामा पुगिसकेको चीनलाई पुनः एकपटक यो भाइरसले धक्का दिएको छ । भाइरस संक्रमणको सुरुवात भएको शहर वुहान साढे २ महिना लामो लकडाउनबाट अहिले खुलेको छ तर उत्तर पूर्वी शहर हार्बिनमा फेरि कोरोनाभाइरस तीब्र रुपमा फैलिएको पाइएपछि यो शहरलाई नै सिल गरिएको छ । वुहान पछि अब हार्बिन शहर यो भाइरसको नयाँ क्लष्टर बनेको छ ।

अहिले चीन सरकारले हार्बिन शहरलाई सील गरेको छ । हार्बिन शहर रुसको सीमासँग जोडिएको छ । यही कारण अधिकारीहरुले सावधानीका लागि पूरै क्षेत्रमा कुनै प्रकारको गतिविधिमा पूर्ण रुपमा प्रतिबन्ध लगाएका छन् । हिलोङ जियान प्रान्तको राजधानी हार्बिनमा नयाँ संक्रमितको संख्या ह्वात्तै बढेपछि यहाँ बाहिरी मानिस र वाहनको प्रवेशमा प्रतिबन्ध लगाइएको छ । यो शहरको जनसंख्या १ करोडभन्दा बढी छ । अधिकारकिा अनुसार हिलोङजियांग प्रान्तमा ५३७ संक्रमितको पुष्टि भएको छ जसमध्ये ३८४ जना बाहिरबाट आएका थिए ।

प्रतिकृया दिनुहोस्