शुक्रबार १४ फाल्गुण २०७७

काठमाडौं, ८ माघ । भारत सरकारले नेपाललाई उपलब्ध गरेको कोरोना खोप प्रधानमन्त्री केपी शर्मा ओलीलाई हस्तान्तरण गरिएको छ ।

बिहीबार प्रधानमन्त्री निवास बालुवाटारमा नेपालका लागि भारतीय राजदूत विनय मोहन क्वात्राले प्रधानमन्त्री ओलीलाई हस्तान्तरण खोप हस्तान्तरण गर्नुभएको हो ।

भारतले यसअघि नै नेपाललाई कोरोना खोप उपलब्ध गराउने घोषणा गरेको थियो । सोही घोषणाअनुसार भारतले कोरोना खोपको १० लाख डोज बिहीबार नै काठमाडौं पठाएको थियो ।

खोप हस्तान्तरण कार्यक्रममा प्रधानमन्त्री ओलीले नेपाललाई १० लाख डोज कोरोना खोप उपलब्ध गरेकोमा भारतीय प्रधानमन्त्री नरेन्द्र मोदी र भारतीय जनतालाई धन्यवाद दिनुभयो ।

उहाँले कोरोना संकटको अवस्थामा भारतले गरेको सहयोग सरहानीय रहेको बताउनुभयो ।

त्यस्तै नेपालका लागि भारतीय राजदूत विनय मोहन क्वात्राले नेपाल–भारत कोराना सहकार्य जारी रहने बताउनुभयो । उहाले आगामी दिनमा नेपाल भारत सम्बन्ध थप प्रगाढ हुदै जाने प्रतिवद्धता जनाउनुभयो ।

कोरोना संक्रमण रोकथाम र नियन्त्रणका लागि फ्रन्ट लाइनमा खिटएका स्वास्थ्यकर्मीलाई पहिलो चरणमा खोप दिइने सरकारको तयारी छ ।

१०७ पटक हेरिएको

तपाईको प्रतिक्रिया