Tuesday, September 22

यिनै हुन् श्रीमती मिना जसले आफ्नो प्रेमीसंग मिलेर श्रीमानको हत्या गरिन

May 19, 2020 431

मोरङ । बिराटनगरस्थित फार्मेसीका संचालक देवी प्रसाद दुलालको हत्या गरेको अभियोगमा प्रहरीले श्रीमतीसहित ३ जनालाई पक्राउ गरेको छ। मधुमारा चोक बस्ने सुनसरी ईटहरीका ३३ वर्षीय देवी प्रसाद दुलालको हत्या गरेको अभियोगमा ३ जनालाई प्रहरीले पक्राउ गरेको हो ।

पक्राउ पर्नेहरुमा सिरहा लहान नगरपालिका–१० पडहरिया टोल घर भई हाल मोरङ विराटनगर महानगरपालिका–४ स्थित बुढाथोकी फार्मेसीमा काम गर्ने २१ वर्षीय ब्रहमदेव साह, सुनसरी इटहरी उपमहानगरपालिका–१२ बस्ने २० वर्षीय सोनु साह र मृतककी श्रीमती मिना श्रेष्ठ दुलाल रहेका छन् ।

आइतबार बिहान बेहोस भएको भन्दै उपचारको लागि विराटनगर गोल्डेन अस्पताल पुर्‍याउँदा दुलालको मृत्यु थियो । घटनाको अनुसन्धानका लागि १ नं. प्रदेश प्रहरी कार्यालय अनुसन्धान समूह र जिल्ला प्रहरी कार्यालयबाट संयुक्त रूपमा खटिएको प्रहरी टोलीले अनुसन्धान गर्दा उनीहरु ३ जनाले दुलाललाई कर्तब्य गरी मारेको खुल्न आएपश्चात उनीहरुलाई पक्राउ गरेको प्रहरीले जनाएको छ ।

दुलाल दम्पत्तीबीच मनमुटाव झै–झगडा हुँदै आएको प्रहरीको प्रारम्भिक अनुसन्धानमा खुल्न आएको छ। सोहीकारण मीना श्रेष्ठ र ब्रम्हदेव साहको योजनामा शनिबार राति दुलाललाई सुतेको अवस्थामा डोरीले घाँटीमा बाँधी मारेको र मृतककी श्रीमती मिनाले छिमेकीलाई आफ्नो श्रीमान अचेत अवस्थामा रहेको भनी सम्पर्क गरी बोलाएर उपचारको लागि उक्त अस्पताल लगेको जिल्ला प्रहरी कार्यालय मोरङले जनाएको छ ।

घटनामा प्रयोग भएका मोबाइल ४ थान, सिमकार्ड ८ थान, पाउडरको बट्टा १ थान, कपडाको ब्याण्डेज १ थान, नाइलनको डोरी २ थान, सर्जिकल पन्जा ८ जोर, रगत लागेको बेडकभर १ थान, सिरानीको खोल १ थान, ब्ल्याङकेटको टुक्रा १ थान र चुडिएको सिक्री १ थान प्रहरीले बरामद गरेको छ ।
पक्राउ प्रतिवादीहरु उपर कर्तव्य ज्यान मुद्दा अन्तर्गत थप अनुसन्धान भइरहेको जिल्ला प्रहरी कार्यालय मोरङले जनाएको छ ।

प्रतिकृया दिनुहोस्